മട്ടണ്‍ ബിരിയാണി

മട്ടണ്‍ ബിരിയാണി

1. മട്ടണ്‍ - 400 ഗ്രാം

2. കറുവാപ്പട്ട - രണ്ടു ചെറിയ കഷണം, ഗ്രാമ്പു- ആറ്, ഏലയ്ക്ക- അഞ്ച്, വെളുത്തുള്ളി (നീളത്തില്‍ അരിഞ്ഞത്)-അഞ്ച് അല്ലി, ഇഞ്ചി(അരിഞ്ഞത്) - ഒരു ചെറിയ കഷണം, പച്ചമുളക്(നീളത്തില്‍ അരിഞ്ഞത്)- രണ്ട്
സവാള(അരിഞ്ഞത്)- ഒന്ന്, മഞ്ഞള്പ്പൊരടി- അര ചെറിയ സ്പൂണ്‍, തേങ്ങാപ്പാല്‍ - മൂന്ന് കപ്പ്,
ഉപ്പ് - ഒരു ചെറിയ സ്പൂണ്‍

3. നെയ്യ് - അരക്കപ്പ്
4. സവാള( കനം കുറച്ചു നീളത്തില്‍ അരിഞ്ഞത്)- രണ്ട്
5. കശുവണ്ടി- 25 ഗ്രാം
ഉണക്കമുന്തിരി- 25 ഗ്രാം
6. ബിരിയാണി അരി - രണ്ടു കപ്പ്
7. ഇറച്ചിയുടെ ചാറ്, വെള്ളം - രണ്ടും കൂടെ അഞ്ചു കപ്പ്
8. മല്ലിയില, പുതിനയില- ഓരോ കെട്ട്
9. ഗരംമസാലപ്പൊടി- അര ചെറിയ സ്പൂണ്‍

പാകം ചെയ്യുന്ന വിധം

* മട്ടണ്‍ കഴുകി, അതില്‍ രണ്ടാമത്തെ ചേരുവ ചേര്ത്ത് കുക്കറില്‍ 15 മിനിറ്റു വേവിക്കുക. മട്ടണ്‍ മുക്കാല്‍ വേവാകുമ്പോള്‍ വാങ്ങാം.

* ചുവടു കട്ടിയുള്ള പാത്രത്തില്‍ നെയ്യ് ചൂടാക്കി, സവാള ബ്രൗണ്‍ നിറത്തില്‍ വറുത്തു കോരുക.

* ഇതേ നെയ്യില്‍ കശുവണ്ടിയും ഉണക്കമുന്തിരിയും വറുത്തുകോരുക.

* ബാക്കി നെയ്യില്‍ കഴുകി ഊറ്റിവച്ചിരിക്കുന്ന ബിരിയാണി അരി ഇട്ടു നന്നായി വറുക്കുക.

* അരി മൂത്തു കഴിയുമ്പോള്‍ മുക്കാല്‍ വേവിച്ച മട്ടണ്‍ അരിയില്‍ ചേര്ത്തി ളക്കുക. മട്ടണ്‍ വെന്ത ചാറും വെള്ളവും യോജിപ്പിച്ച്, ഏകദേശം അഞ്ചു
കപ്പു വെള്ളം ചേര്ക്കു ക.

* ചെറുതീയില്‍ ചോറു വറ്റിച്ചെടുക്കണം. ഇടയ്ക്കിടെ ഇളക്കിക്കൊടുക്കാം. ഏകദേശം വെള്ളം വറ്റി, ചോറു വെന്തു കഴിയുമ്പോള്‍, മല്ലിയില,
പുതിനയില, സവാള വറുത്തത്, കശുവണ്ടിയും ഉണക്കമുന്തിരിയും വറുത്ത് എന്നിവയുടെ പകുതിയും ചേര്ത്തി ളക്കിയശേഷം ഗരംമസാലപ്പൊടിയും ചേര്ക്കു ക.

* ചോറു നന്നായി വെന്തു വെള്ളം മുഴുവന്‍ വറ്റിക്കഴിയുമ്പോള്‍, തീ അണച്ച്, വിളമ്പുന്ന പാത്രത്തിലേക്കു മാറ്റി, ബാക്കി മല്ലിയില, പുതിനയില, സവാള വറുത്തത്, കശുവണ്ടിയും ഉണക്കമുന്തിരിയും വറുത്തത് എന്നിവകൊണ്ട് അലങ്കരിച്ചു വിളമ്പാം.