ചക്കക്കുരു മത്തൻ ഇല തോരൻ

ചക്കക്കുരു മത്തൻ ഇല തോരൻ 
By : Sumayya Sha
ചക്കക്കുരു തൊലി കളഞ്ഞു കഴുകി നുറുക്കി ഉപ്പു ചേർത്ത് സ്വല്പം വെള്ളം ഒഴിച്ച് വേവാൻ വെക്കുക. മത്തൻ ഇല കഴുകി അരിയുക. ആവിശ്യത്തിനു തേങ്ങ എടുത്തു വെളുത്തുള്ളി, മഞ്ഞൾപൊടി, വറ്റൽമുളക് ചേർത്ത് ചതച്ചെടുക്കുക.ചക്കകുരു വെന്താൽ ഒരു ചീനച്ചട്ടി അടുപ്പിൽ വച്ചു എണ്ണ ഒഴിച്ച് ചൂടായാൽ കടുക് പൊട്ടിക്കുക. ശേഷം ചതച്ച തേങ്ങ ചേർത്ത് 1 മിനിറ്റ് വഴറ്റുക. എന്നിട്ട് വേവിച്ച ചക്കക്കുരുവും മത്തൻ ഇലയുംഉപ്പും ചേർത്ത് ഇളക്കി മൂടിവെക്കുക. ഇല വെന്തുകഴിഞ്ഞാൽ ഉപ്പു നോക്കി അടുപ്പിൽ നിന്ന് ഇറക്കാം. മത്തൻ ഇലക്ക് പകരം ചീര, പാലക് എന്നിവ ചേർത്തും ഈ തോരൻ ഉണ്ടാക്കാം.