By : Bindu Jayakumar
വളരെ സ്വാദിഷ്ടമായ ഒരു വിഭവം ആണ് ഇത് . എല്ലാവരും ട്രൈ ചെയ്യണം .പ്രത്യേകിച്ചും വെജിറ്റേറിയന്‍സിന് വേണ്ടിയാണ് ഞാനിത് ഇതുണ്ടാക്കാറുള്ളതു കാരണം ഒരു നോണ്‍ വെജ് വിഭവത്തിന്റെ രുചി ഇതിനുണ്ട്.
ചേരുവകള്‍
ബട്ടര്‍ കൂണ്‍ ഒരു കപ്പ്‌
സവാള നീളത്തില്‍ അരിഞ്ഞത് ഒരു കപ്പ്‌
വെളുത്തുള്ളി ഇഞ്ചി നീളത്തില്‍ അരിഞ്ഞത് 2 വലിയ സ്പൂണ്‍
ജീരകം 1 ടീസ്പൂണ്‍
പച്ചമുളക് 2
മസാല പൊടിയ്ക്ക്
പിരിയന്‍ മുളക് എട്ടോ പത്തോ എടുക്കാം
ഗ്രാമ്പൂ 2
കറുവാ പട്ട ,ഏലക്ക എന്നിവ നാലോ അഞ്ചോ എടുക്കാം
പെരുംജീരകം 4 സ്പൂണ്‍
മല്ലി 4 സ്പൂണ്‍
മുളക് പൊടി 1 സ്പൂണ്‍
മല്ലി പൊടി 1 സ്പൂണ്‍
മഞ്ഞള്‍പ്പൊടി
കറിവേപ്പില
ഉപ്പ്
എണ്ണ
ഉണ്ടാക്കുന്ന വിധം
പിരിയന്‍ മുളക് ,പട്ട ,ഏലക്ക , ഗ്രാമ്പൂ, പെരുംജീരകം എന്നിവ ഒരു മിക്സിയില്‍ അധികം പൊടിയാതെ ചതച്ചെടുക്കുക .
ഒരു പാനില്‍ എണ്ണ ഒഴിച്ച് ചൂടാകുമ്പോള്‍ ജീരകം പൊട്ടിക്കുക അതിലേക്ക് ഇഞ്ചി വെളുത്തുള്ളി പച്ചമുളക്, കറി വേപ്പില എന്നിവ നീളത്തില്‍ അരിഞ്ഞത് ഇട്ടു വഴറ്റുക . അതിലേക്ക് സവാള ഇട്ടു നന്നായി ഫ്രൈ ചെയ്യുക .
പൊടികച്ച് വെച്ച മസാല വഴറ്റിയ ചെരുവയിലേക്ക് ചേര്‍ത്ത് ഇളക്കുക , വീണ്ടും അതിലേക്ക് മുളക്പൊടി മഞ്ഞള്‍പ്പൊടി എന്നിവ ചേര്‍ത്ത് ഒന്ന് വഴറ്റിയ ശേഷം നീളത്തില്‍ കനം കുറച്ചു അരിഞ്ഞ കൂണ്‍ ഇട്ടു ഉപ്പും ചേര്‍ത്ത് നന്നായി ഇളക്കി വെള്ളം വറ്റുന്നതുവരെ ഫ്രൈ ആകി എടുക്കുക
(എരിവു അധികം വേണ്ടാത്തവര്‍ക്ക് മുളക് കുറയ്ക്കാം).
إرسال تعليق
Our Website is One of the Largest Site Dedicated for Cooking Recipes