മീന്‍ മുളകിട്ടത്‌

""മീന്‍ കറി""
(മീന്‍ മുളകിട്ടത്‌)
By: Sreeram Santhosh‎

ആവശ്യമുള്ള സാധനങ്ങള്‍
മീന്‍ - 1 കിലോ
വെളുത്തുള്ളി - 200 ഗ്രാം
ഇഞ്ചി- 2 വലിയ കഷണം
ചുവന്നുള്ളി- 100 ഗ്രാം
കുടം പുളി- 4 കഷണം
കടുക്‌, ഉലുവ - അല്‍പം
മുളകു പൊടി - 4 ടേബിള്‍ സ്പൂണ്‍
കറിവേപ്പില
വെളിച്ചെണ്ണ- 4 സ്പൂണ്‍
ഉണ്ടാക്കുന്ന വിധം
മീന്‍ വെട്ടി കഴുകി ചെറിയ കഷണങ്ങള്‍ ആക്കി വെക്കുക
ചുവന്നുള്ളി, വെളുത്തുള്ളി,1 കഷണം ഇഞ്ചി എന്നിവ ചതച്ചു മാറ്റി വെക്കുക
കുടം പുളി അല്‍പം ഉപ്പു ചേര്‍ത്തു വെള്ളത്തില്‍ ഇട്ടു വെക്കുക.
ചൂടായ മണ്‍ ചട്ടിയില്‍ 2 സ്പൂണ്‍ വെളിച്ചെണ്ണ ഒഴിച്ചു കടുക്‌, ഉലുവ ഇവ ഇട്ടു പൊട്ടിക്കുക. ഇതിലേക്കു ചതച്ചു വെച്ച കൂട്ടും, കറിവേപ്പിലയും ചേര്‍ത്തു നന്നായി വറുക്കുക.
വറുത്തെടുത്ത കൂട്ട്‌ തണുക്കുമ്പോള്‍ നല്ലതു പോലെ അരച്ചെടുക്കുക.
ചട്ടിയില്‍ 1 സ്പൂണ്‍ വെളിച്ചെണ്ണ ഒഴിച്ചു മുളകു പൊടി നന്നായി
മൂപ്പിക്കുക, പിന്നീട്‌ ചെറുതായരിഞ്ഞ ഇഞ്ചി, അരപ്പ്‌ എന്നിവ കൂടി
ചേര്‍ത്ത്‌ മൂപ്പിക്കുക.
ഇതിലേക്‌ക്‍ 1 കപ്പ്‌ വെള്ളം ഒഴിക്കുക.
അരപ്പു തിളക്കുമ്പോള്‍ മീന്‍ കഷണങ്ങള്‍ ഇട്ടു ഉപ്പും പുളിയും ചേര്‍ത്ത്‌ ചെറു തീയില്‍ നന്നായി വറ്റിച്ചെടുക്കുക.
വാങ്ങുമ്പോള്‍ 1 സ്പൂണ്‍ പച്ച വെളിച്ചെണ്ണ, കറി വേപ്പില ഇവ ചേര്‍ത്തു ചട്ടി ചുറ്റിച്ചു വാങ്ങുക.
മീന്‍ മുളകിട്ടത്‌ തയ്യാര്‍ !!!