ഫിഷ് അല്‍ഫാം
ചേരുവകള്‍
1. വലിയ മീന്‍ (തിരുത/ആവോലി/കരിമീന്‍)- 300 ഗ്രാം വരുന്ന ഒരെണ്ണം
2. വെളുത്തുള്ളി- 30 ഗ്രാം
3. പച്ചമുളക്- രണ്ടെണ്ണം
4. തക്കാളി- ഒരെണ്ണം
5. സവാള- ഒരെണ്ണം
6. കാപ്‌സിക്കം-പകുതി
7. പുതിന ഇല- രണ്ടിതള്‍
8. തൈര്- അരക്കപ്പ്
9. മഞ്ഞള്‍പ്പൊടി- അരടീസ്പൂണ്‍
10. ഇഞ്ചി- 10 ഗ്രാം
11. കുരുമുളക് പൊടി- ഒരു ടീസ്പൂണ്‍
12. ചിക്കന്‍ മസാല- ഒരു ടീസ്പൂണ്‍
13. ഉലുവ ഇല- അര ടീസ്പൂണ്‍
14. ചാട്ട് മസാല- ഒരു ടീസ്പൂണ്‍
15. എണ്ണ- ഒരു ടീസ്പൂണ്‍
16. ചെറുനാരങ്ങ- ഒരെണ്ണം
17. ഉപ്പ്- പാകത്തിന്
പാകം ചെയ്യുന്ന വിധം
മീന്‍ അല്പം ഉപ്പും നാരങ്ങ നീരും ചേര്‍ത്ത് പുരട്ടിവെക്കുക. ഇഞ്ചി, വെളുത്തുള്ളി, പച്ചമുളക്, തക്കാളി, സവാള, കാപ്‌സിക്കം, പുതിന ഇല എന്നിവ ചേര്‍ത്ത് അരച്ചെടുക്കുക. ഈ അരപ്പിലേക്ക് അല്പം മഞ്ഞള്‍പ്പൊടി, കുരുമുളകുപൊടി, ചിക്കന്‍മസാല, ഉലുവ ഇല, ചാട്ട്മസാല, എണ്ണ, തൈര്, ഉപ്പ് എന്നിവ ചേര്‍ത്ത് നന്നായി ഇളക്കുക. ഇതിലേക്ക് മീന്‍ ഇട്ട് അരമണിക്കൂര്‍ നേരം വെക്കുക. പിന്നീട് ഈ മീന്‍ കമ്പിയില്‍ കോര്‍ത്ത് കത്തുന്ന കല്‍ക്കരിക്ക് മുകളില്‍ വെച്ച് ചുട്ടെടുക്കുക. നന്നായി വെന്തതിനുശേഷം ചാട്ട്മസാല വിതറിയ ശേഷം വിളമ്പുക.
إرسال تعليق
Our Website is One of the Largest Site Dedicated for Cooking Recipes