സ്പെഷ്യല്‍ വെണ്ടയ്ക്ക സ്റ്റൂ
ചേരുവകള്‍
വെണ്ടയ്ക്ക - 200 ഗ്രാം...
തക്കാളി - 150 ഗ്രാം
സവാള - 1
ഇഞ്ചി
പച്ചമുളക്
വെളുത്തുള്ളി
കറുവപ്പട്ട
മല്ലിയില
ഏലയ്ക്ക
തേങ്ങാപ്പാല്‍ - ഒരു തേങ്ങയുടേത്
വെളിച്ചെണ്ണ - 5 സ്പൂണ്‍
വെജിറ്റബിള്‍ മസാല - ഒന്നര സ്പൂണ്‍
തയ്യാറാക്കുന്ന വിധം
ഒരു പാത്രം അടുപ്പത്ത് വെച്ച് ചൂടായ ശേഷം നാലോ അഞ്ചോ സ്പൂണ്‍ വെളിച്ചെണ്ണ ഒഴിക്കുക.
എണ്ണ ചൂടാകുമ്പോള്‍ അരിഞ്ഞുവെച്ച സവാള ചേര്‍ത്ത് നന്നായി വഴറ്റിയെടുക്കുക.
സവാള നന്നായി വഴറ്റിയെടുത്ത ശേഷം കറിവേപ്പില ,ഏലയ്ക്ക , കറവപ്പട്ട , നീളത്തില്‍ അരിഞ്ഞുവെച്ച പച്ചമുളക് ,നീളത്തില്‍ അരിഞ്ഞുവെച്ച ഇഞ്ചി , വെളുത്തുള്ളി എന്നിവ ചേര്‍ത്ത് നന്നായി ഇളക്കുക.
ഇതിലേക്ക് ചെറുതായി അരിഞ്ഞു വെച്ച വെണ്ടയ്ക്കയും ആവശ്യത്തിന് ഉപ്പും ചേര്‍ക്കുക.
വെണ്ടയ്ക്ക നന്നായി വഴറ്റിയെടുത്ത ശേഷം ഒന്നര സ്പൂണ്‍ വെജിറ്റബിള്‍ മസാലയും അല്‍പ്പം വെള്ളവും ചേര്‍ക്കുക.
തിളച്ചു വരുമ്പോള്‍ ഇതിലേക്ക് തക്കാളിക്കഷ്ണങ്ങള്‍ ചേര്‍ക്കുക.
ഇത് വെന്ത ശേഷം തേങ്ങാപ്പാല്‍ ചേര്‍ക്കുക.
തിളച്ചു വരുമ്പോള്‍ മല്ലിയിലയും കറിവേപ്പിലയും ഒരു സ്പൂണ്‍ വെളിച്ചെണ്ണയും ഒഴിക്കുക.
രുചികരമായ വെണ്ടയ്ക്കാ സ്റ്റൂ റെഡി !
إرسال تعليق
Our Website is One of the Largest Site Dedicated for Cooking Recipes