ചെമ്മീന്‍ മോളി
By : Aysha Thafseera
ചെമ്മീന്‍(തൊലി കളഞ്ഞു വൃത്തിയാക്കിയത്)-അര കിലോ
കുരുമുളക് പൊടി(തരുതരുപ്പായി പൊടിച്ചത്)-2 ടീസ്പൂൺ
ഉപ്പ്-ആവശ്യത്തിന്
വെളിച്ചെണ്ണ-കാൽക്കപ്പ്

വെളുത്തുള്ളി(നീളത്തിലരിഞ്ഞതു)-2 ടേബിൾ സ്പൂൺ)
ഇഞ്ചി (നീളത്തിലരിഞ്ഞത്)-2 ടേബിൾ സ്പൂൺ)
സവാള(നീളത്തിലരിഞ്ഞത്)-1 ചെറുത്
പച്ച മുളക്(നെടുകെ മുക്കാൽ ഭാഗത്തോളം പിളർന്നത്)-10 എണ്ണം
കറിവേപ്പില-1 തണ്ട്
കുരുമുളക് പൊടി-1 ടേബിൾ സ്പൂൺ
തേങ്ങയുടെ ഒന്നാം പാൽ-ഒന്നരക്കപ്പ്
തേങ്ങയുടെ രണ്ടാം പാൽ-ഒന്നരക്കപ്പ്
നെയ്യ്-4 ടേബിൾ സ്പൂൺ
ചെറുനാരങ്ങ-1

*ചെമ്മീൻ ഉപ്പും,കുരുമുളകും ചേർത്ത് യോജിപ്പിച്ചു അര മണിക്കൂര്‍ വെക്കുക.ശേഷം വെളിച്ചണ്ണയിൽ ഫ്രൈ ചെയ്തെടുക്കുക.
*ബാക്കി വന്ന വെളിച്ചെണ്ണയിൽ നെയ്യ് ചേര്‍ത്ത് ആദ്യം വെളുത്തുള്ളി നന്നായി വഴറ്റി മാറ്റി വെക്കുക .പിന്നീട് ഇഞ്ചി ,പച്ചമുളക് ഇവയും വേറെ വേറെ വഴറ്റി മാറ്റി വച്ചു സവാള ചേര്‍ത്ത് വഴറ്റിയാൽ,അതിലേക്ക് ഇഞ്ചി ,വെളുത്തുള്ളി,പച്ച മുളക്,കുരുമുളക് പൊടി,കറിവേപ്പില,ഉപ്പ് എന്നിവ ചേര്‍ത്ത് കൊടുക്കുക.
*ഇതിലേക്ക് ഫ്രൈ ചെയ്ത ചെമ്മീന്‍ ചേര്‍ത്ത് തേങ്ങയുടെ രണ്ടാം പാൽ ഒഴിച്ചിളക്കി തിളച്ചു കഴിഞ്ഞാൽ ,ഒന്നാം പാലും ചേര്‍ത്ത് നന്നായി ചൂടാക്കുക.തിള വരുന്നതിനു മുമ്പ് തീ ഒാഫ് ചെയ്യുക.ശേഷം ചെറുനാരങ്ങ പിഴിഞ്ഞൊഴിക്കുക.

Post a Comment

Our Website is One of the Largest Site Dedicated for Cooking Recipes

Previous Post Next Post