കുമ്പളങ്ങ പുളിശ്ശേരി
By : Sree Harish
കുമ്പളങ്ങ (Ash gourd or white gourd) കഷ്ണങ്ങളാക്കിയത്
തേങ്ങാ ചിരകിയത് -1/4 കപ്പ്
തൈര് -2 കപ്പ് 
മഞ്ഞൾപ്പൊടി -1/2 ടി സ്പൂൺ
ജീരകം -1/2 ടി സ്പൂൺ
ഉലുവപ്പൊടി -1/4 ടീസ്പൂൺ
പച്ചമുളക് -1
കുഞ്ഞുള്ളി -2
കറിവേപ്പില,എണ്ണ,കടുക് ,ഉപ്പ്,വെള്ളം -ആവശ്യത്തിന്
തേങ്ങാ ചിരകിയതിൽ അൽപ്പം മഞ്ഞൾപ്പൊടിയും കുഞ്ഞുള്ളിയും ജീരകവും ചേർത്ത് നന്നായി അരച്ച് വെക്കുക.തൈര് മിക്സിയിൽ നന്നായി അടിച്ചു വെക്കുക.കുമ്പളങ്ങ കഷ്ണങ്ങൾ പച്ചമുളകും മഞ്ഞൾപ്പൊടിയും ഉപ്പും കുറച്ചു വെള്ളവും ചേർത്ത് അടച്ചു വേവിക്കുക.കഷ്ണങ്ങൾ വെന്ത ശേഷം ഇതിലേക്ക് അരപ്പു ചേർത്ത് നന്നായി ഇളക്കുക.ശേഷം തൈര് ചേർത്ത് ചൂടാക്കി വാങ്ങുക.തിളക്കാൻ പാടില്ല.അൽപ്പം ഉലുവാപ്പൊടിയും ചേർത്തിളക്കുക. കടുക് വറുത്തു താളിക്കാം.ഉലുവപ്പൊടിക്ക് പകരം കടുക് വറുക്കുന്നതിന്റെ കൂടെ ഉലുവ ചേർത്താലും മതിയാകും.രുചിയുള്ള പുളിശ്ശേരി റെഡി.

Post a Comment

Our Website is One of the Largest Site Dedicated for Cooking Recipes

Previous Post Next Post