കോവക്ക മെഴുക്കുപുരട്ടി

കോവക്ക മെഴുക്കുപുരട്ടി 
By : Shaini Janardhanan
ഞാൻ ഒറ്റ പച്ചക്കറിയും വേവിച്ച സോഫ്റ്റ് ആക്കില്ലാ, ചുരുക്കം ചിലതൊഴിച്ച്. അത് കറുമുറാന്നു കടിക്കണം. അതല്ലേ അതിന്റെ ഒരു ഇത്. ഏത്?? അത് തന്നെ :D 

1) കോവക്ക - 20 എണ്ണം - കനം കുറച്ചു നീളത്തിൽ അരിഞ്ഞത്
2) വറ്റൽ മുളക് - 4-5 എണ്ണം ഇടിച്ചത്
3) വെളുത്തുള്ളി - 10 ചുള ഇടിച്ചത്
4) ചെറിയ ഉള്ളി - 5-6 എണ്ണം ഇടിച്ചത് (ഓപ്ഷണൽ)
5) ഉപ്പ് - പാകത്തിന്
6) മഞ്ഞൾ - 1/2 ടീ സ്പൂൺ
7) വെളിച്ചെണ്ണ - 1 ടേബിൾ സ്പൂൺ
8) കറിവേപ്പില - 2 കതിർപ്പ്

പാനെടുത്തു എണ്ണ ഒഴിച്ച് ചൂടാകുമ്പോൾ ഇടിച്ച ഐറ്റംസ് എല്ലാം ഇട്ടു മൂപ്പിക്കുക. പിന്നാലെ കോവക്ക, മഞ്ഞൾ, ഉപ്പ് ചേർത്ത് മീഡിയം-ഹൈ ഫ്‌ളെയിമിൽ 7-9 മിനിട്ടു വരെ ഉലർത്തുക. കറിവേപ്പില ചേർത്ത് ഒന്നുകൂടി ഇളക്കി തീ ഓഫ് ചെയ്യുക.

കോവക്ക വെന്തു കുഴയരുത്. കടിക്കാൻ പറ്റണം. എന്നാ പച്ചച്ചുവ മാറുകയും വേണം. വെളുത്തുള്ളി ടേസ്റ്റ് മുന്നേ കാണും. ഹാർട്ട് ഹെൽത്തിയാണ്. അതിഷ്ടമില്ലാത്തവർ ചുവന്നുള്ളി മാത്രം ചേർത്താൽ മതി.